Obaseki gúnlẹ̀ sínú ẹgbẹ́ òṣèlú PDP
Fẹ́mi Akínṣọlá
Kángun kàngun kángun , ó di dandan kó sáà Kángun síbìkan, bẹ́ẹ̀ gẹ́lẹ́ lọ̀rọ̀ gómìnà ìpínlẹ̀ Edo Godwin Obaseki dà báyìí, bí ó tí sí kúrò ní ẹgbẹ́ òṣèlú onítẹ̀síwájú, All Progressive Party lọ sí ẹgbẹ́ òṣèlú People’s Democratic Party.
Akọ̀wé gómìnà Crusoe Osagie ló fìdí ọ̀rọ̀ náà múlẹ̀ fún akọ̀ròyìn.
Sáájú ni Obaseki ti kéde lọ́jọ́ Ìṣẹ́gun, ọjọ́ kẹrindinlógún, oṣù kẹfà ọdún 2020 pé òun yóó kòwé fi ẹgbẹ́ òṣèlú APC silẹ̀ tẹ́lẹ̀.
Lósàn òní ni Gómìnà ìpínlẹ̀ Edo Godwin Obaseki tìkara rẹ̀ kéde nílé ẹgbẹ́ òṣèlú People’s Democratic Party (PDP) nílùú Benin pé òun ti di ọmọ ẹgbẹ́ náà.
Fọ́nran tó jẹyọ lójú òpó abẹ́yefò ,twitter ẹgbẹ́ òṣèlú PDP ni gómínà ọ̀hún tí sọ pé, ní ìpínlẹ̀ Edo àti jákèjádò orílẹ̀ -èdè Nàìjíríà ní òun ti di ọmọ ẹgbẹ́ náà.
