Kò sí lílọ- bíbọ̀ fún olùgbé Ogun, tó ń ṣiṣẹ́ l’Eko -Dapo Abiodun
Fẹ́mi Akínṣọlá
Ṣé àwọn àgbà ní ojú ni alákàn fií ṣọ́rí, àti pé ogun tí yóó wọlé kó ni , ọ̀nà la tií pàdé rẹ̀. Èyí ló díá fún bí gómìnà ìpínlẹ̀ Ogun, Dapo Abiodun ti kéde pé kò ní i sí firi jangan lílọ bibọ̀ ọkọ̀ fún àwọn aráàlú tó ń gbé ní ìpínlẹ̀ náà, ṣùgbọ́n tó ń ṣiṣẹ́ nípìńlẹ̀ Èkó.
Gómìnà sọrọ yìí ní ìlàkalẹ̀ bi agbara òfin kónílé-ó-gbélé yóó ṣe dínkù lọ́sẹ̀ yìí, lẹ́yìn tí Ààrẹ Muhammadu Buhari pàṣẹ rẹ̀.
Nínú ìkéde náà tí Gómìnà Àbìdun fi síta lórí ayélujára fesibúùkù lọ́jọ́ Àbámẹ́ta, ó sọ pé ọjọ́ Kẹwàá, oṣù Karùn -ún ni òfin kónílé-ó-gbélé yóó káṣẹ ń lẹ̀ ní ìpínlẹ̀ Ogun.
Ọjọ́ Ajé ni ìjọba àpapọ̀ pá á láṣẹ pé kí àwọn èèyàn bẹ̀rẹ̀ sí ní jáde ní ìpínlẹ̀ Èkó, Ògùn, àti ìlú Àbújá.
